پشاور: خیبر پختونخوا کےسینیٹ الیکشن میں غیرسرکاری نتائج کے مطابق پاکستان تحریکِ انصاف اور اتحادی جماعتوں نے میدان مار لیا، مسلم لیگ ن کے دو سینیٹرز منتخب ہوئے تو اے این پی اور پی پی کا ایک ایک امیدوار ایوانِ بالا کا رکن منتخب ہوا۔
ہارس ٹریڈنگ کی بازگشت میں خیبرپختونخوا اسمبلی سے سینیٹ الیکشن کے نتائج مکمل ہوگئے، ایک سو چوبیس ارکان میں سے ایک سو تتئیس نے ووٹ کاسٹ کئے، تحریکِ انصاف کے منحرف رکن جاوید نسیم ووٹ ڈالنے نہیں آئے، تحریکِ انصاف اور اتحادیوں نے اپنی تمام نشستیں سمیٹیں۔
غیرسرکاری نتائج کے مطابق پی ٹی آئی نے چھ نسشتوں کے ساتھ میدان مارا، مسلم لیگ ن نے دو نشستیں حاصل کیں، جماعت اسلامی، جے یو آئی(ف )، پی پی اور اے این پی کا ایک ایک امیدوار سینٹ کا ممبر منتخب ہوا ۔
امیرجماعت اسلامی سراج الحق جنرل نشست پرایوان بالا کے رکن بنے، تحریک انصاف کے محسن عزیز، شبلی فراز، لیاقت ترکئی جبکہ مسلم لیگ (ن) کے صلاح الدین ترمذی ،پی پی کےخانزادہ خان اورجے یو آئی ف کے مولانا عطاالرحمان جنرل نشت پر کامیاب ہوکرسینٹر منتخب ہوگئے۔
ٹیکنوکریٹ کی نشست پر پی ٹی آئی کے نعمان وزیر اور ن لیگ کے جاوید عباسی فاتح ٹہرے، خواتین کی مخصوص نشستوں پر تحریکِ انصاف کی ثمینہ عابد اورعوامی نیشنل پارٹی کی ستارہ ایاز کامیاب ہوئیں۔
اقلیت کی نشست تحریکِ انصاف کے نام رہی جان کینتھ ولیمز جیت کر پی ٹی آئی کی تاریخ کے پہلے سینیٹر بن گئے۔
