پشاور: پشاور میں سیکورٹی فورسسز کی چیک پوسٹ پر حملہ کے نتیجے حملہ آور ہلاک جبکہ ایک شہری جاں بحق اور چھ زخمی ہوگئے۔
پشاور گورا قبرستان کے ایریا میں سیکورٹی فورسز کی مین چیک پوسٹ پر پیدل حملہ آور نے سیکورٹی اہلکار پر اس وقت حملہ آور نے فائرنگ کی جب اہلکار گاڑیوں کی تلاشی میں مصروف تھا، جس پر اہلکاروں نے حملہ آور پر فائرنگ کرکے اسے موقع پر ہلاک کر دیا۔
واقع کے بعد سیکورٹی فورسز نے علاقے کو گھیرے میں لے لیا جبکہ حملہ آور کی فائرنگ کی زد میں آکر 7شہری زخمی ہوئے، جنھیں لیڈی ریڈنگ ہسپتال منتقل کر دیا گیا، ایک زخمی اسپتال میں دم توڑ گیا۔
- Advertisement -
ایس پی کینٹ عمر کے مطابق حملہ آور کینٹ میں داخل ہونا چاہتا تھا، حملہ آور کے قبضے سے ایک پستول بھی برآمد ہوا جب کہ تحقیقاتی ٹیموں نے جائے وقوعہ سے اہم شواہد اکھٹے کئے۔
