لاہور: پنجاب اسمبلی کا بارہ سو بیس ارب کاسالانہ بجٹ برائے دو ہزار پندرہ سولہ آج پیش کیا جارہا ہے، صوبائی وزیرِ خزانہ ڈاکٹر عائشہ غوث بخش بجٹ تقریر کریں گی۔
پنجاب کے بارہ سو بیس ارب کے بجٹ میں چار سو ارب سے زائد تر قیارتی بجٹ مختص کیے جانے کا امکان ہے، سرکاری ملازمین اور پنشنرز کے ایڈہاک الاؤنس میں ساڑھے سات فیصد اضافہ متوقع ہے۔
بجٹ میں اورنج لائن ٹرین کے لیے دس ارب، لیپ ٹاپ اسکیم کے لیے پانچ ارب جبکہ توانائی بحران کے خاتمے کے لیے بتیس ارب روپے مختص کیے جانے کا امکان ہے۔
پراپرٹی ٹیکس میں دس فیصد اضافہ کیا جائے گا جبکہ تعلیمی اداروں کی حالت بہتر بنانے کے لیے پینتیس ارب روپے رکھے جائیں گے۔
پنجاب کو نیشنل فنانس کمیشن سے آٹھ سو چورانوے ارب روپے حاصل ہوں گے جبکہ پنجاب ریونیو اتھارٹی ٹیکس میں دس نئی سروسز کا اضاٖفہ کرے گی، جسے ستر ارب کا ہدف دیا جائے گا۔
