لاہور: پنجاب حکومت نے کل سے صوبے بھر کے تعلیمی اداروں میں سردیوں کی چھٹیوں کااعلان کردیا ہے۔ آل پاکستان پرائیویٹ اسکولزمینجمنٹ ایسوسی ایشن کا کہنا ہے کہ پنجاب حکومت کے شیڈول کے مطابق تعلیمی اداروں میں چھٹیاں نہیں کرینگے۔
پنجاب حکومت نے کل سے صوبے کے تمام تعلیمی اداروں میں سردیوں کی چھٹیوں کا اعلان کردیا ہے۔ صوبائی وزیرتعلیم رانا مشہور نےتعلیمی اداروں کی چھٹیوں کا اعلان کرتے ہوئے کہا کہ صوبے بھر میں سرکاری تعلیمی ادارے کل سے تین جنوری تک بند رہیں گے۔
بعض پرائیویٹ تعلیمی اداروں میں امتحانات ہو رہے ہیں، وہ بھی ہفتے سے بند کر دیئے جائیں گے۔
- Advertisement -
دوسری جانب آل پاکستان پرائیویٹ اسکولز مینجمنٹ ایسوسی ایشن کا کہنا ہےکہ پنجاب حکومت کے شیڈول کے مطابق تعلیمی اداروں میں چھٹیاں نہیں کرینگے۔ سردیوں کی چھٹیاں شیڈول کے مطابق پچیس دسمبر سے تین جنوری تک کرینگے۔
