لاہور: حکومت کو پنجاب کے سی این جی صارفین کا خیال آہی گیا، ساڑھے پانچ ماہ بعد سی این جی اسٹیشنز کو گیس فراہم کرنے کا فیصلہ کرلیا گیا ہے۔
پنجاب کے عوام کیلئے سی این جی اسٹیشنز میں گیس بحالی کا فیصلہ کرلیا گیا ہے۔
چئیرمین سی این جی ایسوسی ایشن پنجاب کیپٹن (ر) شجاع انور نے کہا کہ حکومت اور سی این جی ایسوسی ایشن کے درمیان اسلام آباد میں مزاکرات ہوئے، جس میں فیصلہ کیا گیا کہ گیارہ مئی کو ایل این جی کی دوسری کھیپ پاکستان پہنچے گی۔ جسے سی این جی اسٹیشنز کو دینے کا فیصلہ کیا گیا ہے۔
انکا کہنا تھا کہ ایل این جی نجی شعبہ کراچی سے پنجاب کے سی این جی اسٹیشنز کو پہنچائے گا، گیس پچپن روپے فی لیٹر فروخت ہوگی جو کہ سی این جی سے کچھ مہنگی ضرور ہے تاہم پٹرول کے مقابلے میں پھر بھی سستا ایندھن ہے۔
شجاع انور کا کہنا تھا کہ حکومت یہ اقدام سی این جی سیکٹر کی بحالی کا باعث بن سکتا ہے۔
