راولپنڈی : پولیس نے حقیقی آزادی مارچ کے لئے سیکیورٹی پلان کو حتمی شکل دے دی، سیکیورٹی کے لیے 10 ہزار سے زائد پولیس اہلکاروں کو تعینات کیا جائے گا۔
تفصیلات کے مطابق حقیقی آزادی مارچ کے لئے راولپنڈی پولیس نے سیکیورٹی پلان کو حتمی شکل دے دی۔
مارچ کی سیکیورٹی کے لیے 10 ہزار سے زائد پولیس اہلکاروں کو تعینات کیا جائے گا ، پنجاب ہائی وے پٹرولنگ کے 500 اور 122 کمانڈوز کو بھی تعینات کیا جائے گا۔
سیکیورٹی کے لئے 38 ایلیٹ فورس اہلکار،91 خواتین اور ایک ہزار 94 ٹریفک اہلکار و دیگر تعینات ہوں گے جبکہ پنجاب پولیس اور پنجاب ہائی وے پٹرولنگ کے اہلکار اسٹینڈ بائی رہیں گے۔
راولپنڈی:حقیقی آزادی مارچ کی مانیٹرنگ کے لیے کلوزسرکٹ کیمروں کا کام بھی مکمل کرلیا گیا ہے ، مارچ کی سیکیورٹی کی نگرانی ایس ایس پی آپریشنز کریں گے۔
خیال رہے تحریک انصاف کے لانگ مارچ کے دوسرے مرحلے کا نواں روز ہے ، چیئرمین تحریک انصاف عمران خان اپنی رہائشگاہ زمان پارک میں موجود ہیں۔
عمران خان ساڑھے 4بجےلانگ مارچ کےشرکاسےوڈیولنک پرخطاب کر یں گے۔
زمان پارک کےاطراف سیکیورٹی کے سخت انتظامات ٓکئے گئے ہیں جبکہ عمران خان کی سیکیورٹی کے لئے کے پی پولیس کے کمانڈوز رہائشگاہ کے اندر تعینات ہیں۔
رہائشگاہ کے اطراف میں سی سی ٹی وی کیمروں کی مدد سے نگرانی کی جا رہی ہے۔
