آکلینڈ : نیوزی لینڈ اور جنوبی افریقہ کے درمیان ورلڈ کپ کا پہلا سنسنی خیز سیمی فائنل کل آکلینڈ میں کھیلا جائے گا۔سنسنی خیز سیمی فائنل پاکستانی وقت کے مطابق صبح چھ بجے شروع ہوگا۔
تفصیلات کے مطابق ورلڈ کپ کا فائنل پہلی مرتبہ کون کھیلے گا ؟ نیوزی لینڈ یا جنوبی افریقہ ،فیصلہ آکلینڈ کا میدان کرے گا۔ کیویز میگا ایونٹ میں اب تک ناقابل شکست ہیں۔
جنوبی افریقہ نے بھی عمدہ کارکردگی دکھاتے ہوئے آخری چار ٹیموں میں جگہ بنائی ہے۔ دونوں ٹیموں کی بولنگ اور بیٹنگ لائن بہت ہی مضبوط ہے۔
جنوبی افریقی ٹیم کے کپتان اے بی ڈی ویلئیرز ون ڈے کو ٹی ٹوئنٹی بنانے میں دیر نہیں کرتے۔ ادھر ہاشم آملہ، ڈوپلیسی اور روسو پر ٹیم کا سارا دارومدار ہوگا۔
بولنگ میں ڈیل اسٹین ٹیم کی جان ہیں۔ ادھرنیوزی لینڈ کی بیٹنگ لائن چل گئی تواسکور بورڈ میں رنز ،مشین کی طرح بڑھیں گے۔
میک کلم، گپتل بھرپور فارم میں ہیں۔ خطرہ برابری کا ہے۔سنسنی خیز سیمی فائنل پاکستانی وقت کے مطابق صبح چھ بجے شروع ہوگا۔
