پیرس : فرانس کے رچرڈ گیسکویٹ، سیم کوئیری اور سینٹیاگو جیرالڈو نے پیرس ماسٹرز ٹینس ٹورنامنٹ کے دوسرے راؤنڈ کیلئے کوالیفائی کرلیا ہے۔
پیرس میں جاری ٹورنامنٹ کے پہلے راؤنڈ کے میچ میں فرانس کے رچرڈ گیسکویٹ کا مقابلہ ازبکستان کے ڈینس استومن سے تھا۔ ابتدائی دو سیٹ تک مقابلہ ایک ایک سے برابر تھا۔ فیصلہ کن سیٹ میں ازبک کھلاڑی انجری کے سبب میچ جاری نہ رکھ سکے اور دستبردار ہوگئے۔
ایک اور میچ میں امریکہ کے سیم کوئیری نے پولینڈ کے جیرزی جینووز کو تین سیٹ کے مقابلے کے بعد زیر کیا۔ امریکی کھلاڑی نے ایک سیٹ کے خسارے میں جانے کے باوجود حریف کھلاڑی کو چھ سات، چھ دو اور چھ چار سے قابو کیا۔
تیسرے میچ میں کولمبیا کے سینٹیاگو جیرالڈو نے روس کے میخائل یوزہنی کو اسٹریٹ سیٹس میں چھ دو اور چھ چار سے مات دی۔
