پیرس :عالمی نمبر دو سوئٹزرلینڈ کے راجفر فیڈرر کی پیرس ماسٹرز ٹینس ٹورنامنٹ میں پیش قدمی جاری ہے، سوئس کھلاڑی نے ٹورنامنٹ کے تیسرے راؤنڈ کے لئے کوالیفائی کرلیا ہے۔
پیرس میں جاری ٹورنامنٹ کے دوسرے راؤنڈ کے میچ میں عالمی نمبر دو اور ریکارڈ گرینڈ سلم ونر سوئٹزرلینڈ کے راجر فیڈرر نے فرانس کے جیریمی چارڈی کو تین سیٹ کے سخت مقابلے کے بعد زیر کیا۔
ابتدائی دو سیٹس تک مقابلہ ایک ایک سے برابر تھا، فیصلہ کن سیٹ میں سوئس کھلاڑی نے روایتی کھیل پیش کیا اور حریف کھلاڑی کو چھ چار سے قابو کرلیا۔
تیسرے راؤنڈ میں فیڈرر کا مقابلہ فرانس کے لوکاس پوائل سے ہوگا۔ فرانسیسی کھلاڑی نے اٹلی کے فوبیو فوگنینی کو اپ سیٹ کیا، ایک اور میچ میں جاپان کے کی نیشکوری نے اسپین کے ٹامی روبریڈو کو تین سیٹ کے مقابلے میں مات دی، جاپانی کھلاڑی کی فتح کا اسکور چھ سات، چھ دو اور چھ تین رہا۔
