کوئٹہ: پیپلز اسٹوڈنٹس فیڈریشن بلوچستان کے سابق صدر میر قدیر قمبرانی ساتھیوں سمیت ایم کیو ایم میں شامل ہوگئے۔
ایم کیو ایم کوئٹہ زون کے رہنما ملک جنت گل کاکڑ اور دیگر کے ہمراہ پریس کانفرنس سے خطاب کرتے ہوئے انہوں نے کہا کہ قائد تحریک الطاف حسین کی سیاست حق پرستانہ جدوجہد پر مبنی ہے جس کی وجہ سے ایم کیو ایم کی سیاست کو بلوچستان میں پذیرائی مل رہی ہے ،ہم نے حالات و واقعات اور سیاسی جماعتوں کی کارکردگی کو مد نظر رکھتے ہوئے ایم کیو ایم میں ساتھیوں سمیت شمولیت کا غیر مشروط فیصلہ کیا ہے انہوں نے کہا کہ ہم قائد تحریک الطاف حسین کا پیغام پیغام گھر گھر پہنچانے کے لئے دن رات ایک کرکے کام کریں گے۔
