لاہور: پاکستان عوامی تحریک کے زیر اہتمام مختلف شہروں میں سانحہ پشاور کی مذمت میں ریلیاں نکالی گئیں۔
ڈاکٹر طاہرالقادری نے آڈیو پیغام میں دہشت گردی کے خلاف جنگ کو اپنی جنگ تسلیم کرنے اور انتہا پسند تنظیموں کی بیرونی فنڈنگ بند کرنے کا مطالبہ کردیا، لاہور میں احتجاجی ریلی مسجد شہدا سے شروع ہوکر چیرنگ کراس پر اختتام پذیر ہوئی۔ ڈاکٹر طاہرالقادری نے آڈیو پیغام میں دہشت گردی کے خاتمے کے لئے اقدامات تجویز کئے۔
ریلی سے ڈاکٹر رحیق عباسی نے خطاب میں دہشت گردوں کے ساتھیوں کا خاتمہ بھی ضروری قراردیا،اقلیتی رہنماوں نے بھی سانحہ پشاور کے شہدا سے اظہار یکجہتی کیا، خواتین اور بچے بھی دہشت گردوں کے خلاف جہاد کے لئے پر عزم ہیں، شرکاء ریلی نے ڈاکٹر طاہرالقادری کے دہشت گردی کے خلاف فتاویٰ کو نصا ب تعلیم کا حصہ بنانے کا مطالبہ بھی کیا۔
