لاہور: پی سی بی نے نیوزی لینڈ کیخلاف پہلے ٹیسٹ کیلئے ٹیم کا اعلان کردیا، آسٹریلیا کیخلاف فاتح ٹیسٹ اسکواڈ کو برقرار رکھا گیا ہے۔
پی سی بی کے جاری کردہ اعلامیہ کے مطابق سلیکشن کمیٹی نےنیوزی لینڈ کیخلاف پہلے ٹیسٹ کیلئے فاتح اسکواڈ کو برقرار رکھنے کا فیصلہ کیا ہے جسکی منظور چیئرمین پی سی بی شہریار خان نے دی ہے۔
پاکستان نے حالیہ ٹیسٹ سیریز میں آسٹریلیا کو دو صفر سے وائٹ واش کیا ہے۔پاکستان اور نیوزی لینڈ کے درمیان پہلا ٹیسٹ نو نومبر سے ابوظہبی میں کھیلا جائیگا، چیف سلیکٹر معین خان کا کہنا ہے کہ کھلاڑی نئے چیلنج کیلئے تیاریاں مکمل کریں تاکہ فتوحات کے سلسلے کو برقرار رکھا جاسکے۔
- Advertisement -
چیئرمین پی سی بی شہریار خان نے معین خان کو بیک وقت دو عہدوں پر کام کرنے کی اجازت دے دی ہے۔ چیئرمین پی سی بی کا کہنا ہے کہ مناسب وقت دیکھ کر معین خان کو تبدیل کیا جائیگا۔
