چوہدری شجاعت حسین کاکہناہے چاہتاہوں ملکی مسائل کے حل کےلیےتمام جماعتیں مل کرکام کریں، نوازشریف مہنگائی کے خاتمے کیلئےگول میز کانفرنس بلائیں سیاسی مفادات بالائے طاق رکھتے ہوئے تجاویز دیں گے۔
پاکستان مسلم لیگ ق کے یوم تاسیس کی تقریب اسلام آبادمیں منعقد ہوئی، اس موقع پرمیڈیا سے گفتگو کرتے ہوئےچوہدری شجاعت کاکہناتھا ملکی مسائل کے حل کیلئےسب کواکٹھاہوناچاہئے۔
مہنگائی ایسا مسئلہ ہے کہ قوم ڈرون اوربجلی جیسے مسائل بھول جائے گی۔۔وزیراعظم مہنگائی کے خاتمے کیلئے گول میز کانفرنس بلائیں کھلے دل سے تجاویز دیں گے۔
مشاہد حسین سید کاکہناتھا ق لیگ چھوڑ کرجانے والے فصلی بٹیرے ہیں، اصل کارکن آج بھی متحرک ہیں، ان کاکہناتھا حکومت کوعوام کے مسائل حل کرنے کامینڈیٹ ملاہے مقدمے بازی مسائل سے توجہ ہٹانے کے مترادف ہے، مشاہد حسین کاکہناتھا بارہ اکتوبرکی کوئی بات نہیں کرتا صرف تین نومبر کی ایمرجنسی پربات کی جاتی ہے دوہرامعیارنہیں ہوناچاہئے۔
