شہید ایس پی سی آئی ڈی چوہدری اسلم پر حملہ کرنے والے کی خود کش حملہ آور کی پوسٹ مارٹم رپورٹ اے آر وائی نیوز نے حاصل کرلی ہے، رپورٹ کے مطابق جائے وقوع سے ملنے والے اعضاء نعیم اللہ کے ہیں۔

شہید ایس پی سی آئی ڈی چوہدری اسلم پر خودکش حملہ کرنیوالے نعیم اللہ کی پوسٹ مارٹم رپورٹ کے مطابق جائے وقوع سے ملنے والے خودکش حملہ آور کے مختلف اعضاء جس میں سر کا حصہ، ہڈیوں اور گوشت کے ٹکڑوں کا تجزیہ کیا گیا۔

جن کی تصدیق سے نعیم اللہ کی شناخت ممکن ہوئی، خود کش حملہ آور نعیم اللہ کے ڈی این اے کیلئے بجھوائے گئے نمونوں کی رپورٹ آئندہ دس روز میں مکمل کرلی جائے گی، جس سے خود کش حملہ آور کے خاندان ،عمر اور جنس کا تعین ہوسکے گا۔

رپورٹ کے بعد طبی ماہرین نے بھی حملے کے خودکش ہونے کی تصدیق کردی ہے۔