سندھ : پنجاب کی طرح ڈینگی وائرس کی صورتحال نے سندھ کو بھی اپنے گھیرے میں لے لیا ہے، آج ایک مزید مریض کی ہلاکت کے بعد مرنے والوں کی تعداد گیارہ تک جا پہنچی۔
سندھ بھر میں ڈینگی کی وبائی صورتحال میں کمی نہیں آرہی ہے، آج کراچی میں ستائیس سالہ نور النساء دم ڈینگی وائرس کے باعث دم توڑ گئی، ذرائع محکمہ صحت کے مطابق اب تک سندھ بھر میں اب تک ڈینگی وائرس سے ہلاکتوں کی تعداد گیارہ ہوگئی ہے ۔
حکومت کی جانب سے تمام چھوٹے اور بڑے شہروں میں عوام کے اندر ڈینگی وائرس کے حوالے سے آگاہی پیدا کرنے کے لئے مہم جاری ہے۔
دوسری طرف کراچی سمیت سندھ بھر اس خطرناک صورت اختیار کرنے کی وجہ بلدیاتی اداروں کو فنڈز نہ ملنے کے باعث شہر میں صفائی کے کام میں مشکلات کا سامنا ہے۔
پاکستان میڈیکل ایسو سی ایشن نے اس سلسلے میں صوبائی حکومت سے مطالبہ کیا ہے کہ بلدیاتی اداروں کوفوری طور پر فنڈز جاری کئے جائیں تاکہ ڈینگی جیسا مرض وبائی شکل اختیار کرنے سے روکا جاسکے۔
