کراچی: نمائش چورنگی کے قریب دکان میں لگنے والی آگ بجھادی گئی ہے۔
کراچی کےعلاقے نمائش چورنگی کے قریب واقع آٹو اسپیئر پارٹس کی دکان میں صبح سویرے آگ لگ گئی، آگ نے دیکھتے ہی دیکھتے پوری دکان کو اپنی لپیٹ میں لے لیا ہے، اہلِ علاقہ نے دکان سے نکلنے والا دھواں دیکھا تو فائر بریگیڈ کو بلایا۔
آگ کو بجھانے کیلئے دو فائربریگیڈ کی گاڑیوں نے حصہ لیا، ریسکیو رضاکاروں نے آگ پر قابو تو پالیا لیکن تب تک بہت دیر ہوچکی تھی۔
آگ بجھنے کے بعد دکان اپنی تباہی کا منظر پیش کرنے لگی، خاکستر دکان میں ہر طرف راکھ اور موجود سامان کا ملبہ جلا ہوا نظر آیا۔ ریسکیورضاکاروں کا کہنا ہے کہ ابتدائی طور پر شارٹ سرکٹ کے باعث آگ لگی تھی۔
