کراچی اسٹاک مارکیٹ میں مسلسل چھٹے سیشن میں تیزی برقرار رہی، مارکیٹ سابقہ ریکارڈ توڑکر پہلی بارچھبیس ہزار پانچ سو پوائنٹس کا اہم سنگ میل عبور کرگئی۔
پیر کو بھی مارکیٹ میں تیزی کا رجحان برقرار رہا۔۔یہ مسلسل چھٹا سیشن ہے جس میں تیزی ریکارڈ کی گئی، گذشتہ پورے ہفتے بھی مارکیٹ میں تیزی دیکھی گئی تھی۔
کاروباری ہفتے کے آغاز پر مارکیٹ کی بلوچپس کمپنیوں کے شئیرز کی جگہ کم قیمت شئیرز کی خریداری عروج پر رہی، کے ای ایس سی، دیوان گروپ اور سیمنٹ کمپنیوں کے شئیرز سرمایہ کاروں کی توجہ کا مرکز رہے، کاروبار کے اختتام پر مارکیٹ کا بینچ مارک ہنڈریڈ انڈیکس پوائنٹس کی سینچری اسکورکرکے 26591 پوائنٹس کی نئی ریکارڈ سطح پر بند ہوا۔
