کراچی:حلقہ این اے دوسو چھیالیس کے ضمنی انتخاب کیلئےکاغذات نا مزدگی جمع کرانے کا آج آخری دن ہے۔
قومی اسمبلی کے اس حلقے میں ضمنی انتخاب کے لیے متحدہ قومی موومنٹ کے کنور نوید جمیل، اسلم شاہ اور سیما زرین نے اپنے کاغذات نامزدگی جمع کرائے ہیں۔
ایم کیو ایم کے امیدواروں کے علاوہ اس حلقے سے دیگر امیدواروں نے بھی ڈسٹرکٹ آفس ضلع وسطی میں ریٹرننگ افسر سید ندیم حیدر کے پاس کاغذات نامزدگی جمع کرائے۔
پاسبان پاکستان کے عثمان معظم اور شیخ محمد شکیل نے بھی کاغذات جمع کرا دیئے ہیں۔
تحریک انصاف نے بھی اس حلقے سے اپنا امیدوار کھڑا کیا ہے، پیپلز پارٹی چھوڑ کر متحدہ قومی موومنٹ میں شامل ہونے والے نبیل گبول اس حلقے سے ایم کیوایم کے ٹکٹ پر رکن قومی اسمبلی منتخب ہوئے تھے اور ایک ماہ پہلے وہ اس نشست سے مستعفی ہوگئے تھے۔
