کراچی: لیاری میں رینجرز سے مقابلے میں تین ٹارگٹ کلر ہلاک ہوگئے ہیں، فرنٹئیرکالونی میں ٹارگٹڈ آپریشن کےدوران بارہ افراد کو حراست میں لے لیا گیا۔
کراچی میں لیاری کےعلاقے چاکیواڑہ میں رینجرز اور گینگ وار کے کارندوں کے درمیان مقابلے میں تین ٹارگٹ کلر مارے گئے، ترجمان رینجرز کے مطابق ہلاک ملزمان رینجرز اہلکار سمیت بیس افراد کے قتل اور بھتہ خوری سمیت متعدد وارداتوں میں مطلوب تھے۔
کراچی کے علاقے فرنٹیئر کالونی اورقصبہ کالونی میں پولیس اور رینجرز نے خفیہ اطلاع پر آپریشن کر کےکالعدم تنظیم سے تعلق رکھنے والے بارہ مشتبہ افراد کو حراست میں لے لیا، ملزمان کے قبضے سےاسلحہ بھی برآمد ہوا ہے۔
دوسری جانب بلدیہ یوسف گوٹھ میں فائرنگ سے ایک شخص زخمی ہوگیا جبکہ لانڈھی صنعتی ایریا میں بھی گولیاں لگنے ایک شخص زخمی ہوا۔
