کراچی : رینجرز نے کراچی کے مختلف علاقوں میں کارروائی کے دوران پانچ ملزمان کو گرفتار کرلیا ہے۔
رینجرزکی کراچی کے مختلف علاقوں میں دہشتگردوں کے خلاف کارروائیاں جاری ہیں، آج بھی رینجرز نے کراچی کے علاقے عباس ٹاؤن، لیاقت آباد اور قصبہ کالونی میں ٹارگٹڈ کارروائیاں کیں۔
کارروائی کے دوران پانچ ملزمان گرفتار کئے گئے، ملزمان کے قبضے سے بھاری تعداد میں اسلحہ بھی برآمد ہوا۔
سندھ رینجرز کے ترجمان کے مطابق گرفتار ملزمان میں ایک کالعدم تنظیم کا دہشتگرد جبکہ ٹارگٹ کلر بھی شامل ہیں۔
