کراچی : سول اسپتال میں ڈاکٹروں نے ساتھی ڈاکٹر پر مبینہ تشدد کیخلاف ایمرجنسی اور دیگر شعبہ جات میں آنے والے مریضوں کے علاج سے انکار کردیا۔ جس سے مریضوں کو شدید پریشانی کا سامنا کرنا پڑا۔
ڈاکٹروں کی احتجاج کے باعث سول اسپتال کی ایمرجنسی سمیت مختلف شعبہ جات میں مریض بے یارو مدد گار اسٹریچر اور گاڑیوں میں پڑے رہے ۔
احتجاجی ڈاکٹروں کاکہنا تھا کہ کہ ایک مریض کے تیمارداروں کی جانب سے ڈیوٹی ڈاکٹر کو تشدد کا نشانہ بنایا گیا تھا جس کی وجہ سے وہ احتجاج پر مجبور ہوئے ہیں۔
محکمہ صحت کی جانب سے بھی گذشتہ دو سے تین روز کے دوران کراچی کے تین بڑے سرکاری اسپتالوں میں پیرا میڈیکل اسٹا ف اور سول اسپتال میں ڈاکٹر وں کے احتجاج کا نوٹس نہیں لیا گیا۔
