کراچی : دبئی جانے والی نجی ایئرلائن کے طیارے میں عین اسوقت آتشزدگی کا واقعہ پیش آیا کہ جب مسافر جہاز میں سوار ہوچکے تھے اور جہاز اڑان کے لئے تیار تھا۔
تفصیلات کے مطابق نجی ایئرلائن کے طیارے کے کیبن میں سے آگ لگنے کے نتیجے میں دھواں نکلنے لگا، ذرائع کے مطابق آگ طیارے کے انجن میں لگی تھی جس سے مسافروں میں سراسیمگی پھیل گئی اور چند مسافروں نے اپنی مدد آپ کے تحت جہاز سے چھلانگ لگا کر جان بچانے کی کوشش کی ،دریں اثنا طیارے کے عملے نے تمام مسافروں کو ایمرجنسی دروازے سے بحفاظت باہر نکالا گیا۔
فائر بریگیڈ اور ریسکیو کے ادارے طیارے تک پہنچ چکی ہیں اور امدادی کاروائیاں جاری ہیں۔
