کراچی: تحریکِ انصاف کے سربراہ عمران خان نے ایم کیوایم کےجانب سے دائر ہرجانہ کیس میں جواب داخل کرادیا ہے۔
تحریکِ انصاف کے سربراہ عمران خان نے ایم کی ایم کی جانب سے ہرجانے کے دعوی پر جواب سندھ ہائی کورٹ میں جمع کرادیا ہے۔
عدالت میں جمع کرائے گئے جواب میں عمران خان نے مؤقف اختیار کیا کہ ایم کیو ایم کا دعویٰ ذاتی عناد پر دائر کیا گیا، ناقابل سماعت قرار دیا جائے الطاف حسین اور انکی تنظیم سنگین جرائم میں ملوث ہے، نائن زیرو سےبھی جرائم پیشہ افراد پکڑے گئے ۔ ایم کیو ایم کے قائد کی اشتعال انگیز تقریر کے بعد زہرہ شاہد کا قتل ہوا۔
عدات کو بتایا گیا کہ الطاف حسین کی اشتعال انگیز تقریر کے بعد پی ٹی آئی رہنما زہرہ شاہد کوقتل کیا گیا، ایم کیوایم نے اسی الزام پر عدالت سے رجوع کیا تھا۔
جواب میں استدعا کی گئی ہے کہ عدالت ایم کیوایم کے دعویٰ کو مسترد کرے۔
یاد رہے کہ زہرہ شاہد کے قتل کے بعد عمران خان نے الطاف حسین پر الزام عائد کیا تھا اور الزام کے بعد ایم کیو ایم نے عدالت سے رجوع کیا تھا۔
