کراچی : محکمہ موسمیات کے مطابق آج کراچی میں تیز ہوائیں چلنے کی پیش گوئی کردی ہے جبکہ سمندر میں طغیانی سے متعلق ریڈ الرٹ جاری کر دیا گیا ہے۔
محکمہ موسمیات نے آج کراچی میں تیز ہوائیں چلنے کی پیشنگوئی کر دی ہے، محکمہ موسمیات کا کہنا ہے تیزہواؤں اورگردوغبار سے حد نگاہ کم ہوسکتی ہے جبکہ تیز ہوائیں چلنے کا سلسلہ پانچ گھنٹے تک جاری رہ سکتا ہے۔
دوسری جانب میری ٹائم سیکیورٹی نے بھی سمندرمیں طغیانی سے متعلق الر ٹ جاری کردیا ہے ،میری ٹائم سیکیورٹی کا کہنا ہے کہ ماہی گیراڑتالیس گھنٹوں تک گہرے سمندر میں جانے سے گریزکریں۔
کراچی میں گرد آلود ہواؤں اوربارش کے امکان کے باعث رین ایمرجنسی نافذکردی گئی، صوبائی وزیرِ بلدیات شرجیل میمن نے ملازمین کی چھٹیاں منسوخ کردی ہیں ۔
صوبائی وزیرِ شرجیل انعام میمن نے صوبے بھر میں محکمہ موسمیات کی کراچی میں بارش اورتیزہواؤں کی پیشگوئی کے بعد صوبے بھر میں فوری طور پر رین ایمرجنسی نافذ کردی ہے۔
صوبائی وزیر نے صوبے بھر کی تمام ڈسٹرکٹ ایڈمنسٹریشن کو سختی سے ہدایات جاری کرتے ہوئے کہا ہے کہ کسی بھی ناخوشگوار حالات سے نبردآزما ہونے کے لئے تمام تر تیاریاں مکمل کرلی جائیں اور خصوصاً سندھ کی ساحلی پٹی اور کراچی کی انتظامیہ تمام تر حفاظتی اقدامات کو بروئے کار لائے۔
شرجیل میمن نے ہدایت دیں کہ تمام برساتی نالوں کی ہنگامی بنیادوں پر صفائی کا کام مکمل کیا جائے اور ایم ڈٰی واٹر بورڈ اور تمام اضلاع کے چیف انجنئیرز فوری طور پر نالوں کی صفائی اور سیوریج نظام کو مکمل طور پر درست کرلیں۔
