کراچی : بجلی کے بڑے بریک ڈاؤن کی وجہ سے شہر قائد کے مختلف علاقے تاریکی میں ڈوب گئے،کے الیکٹرک ایک بار پھر شہر قائد کو بجلی کی بلا تعطل فراہمی میں ناکام ہوگیا۔
افطار کے بعد کراچی کے مختلف علاقوں میں اچانک اندھیرا چھا گیا، بجلی کے طویل بریک ڈاؤن کے باعث ناظم آباد، لائنز ایریا، صدر، طارق روڈ، سبزی منڈی، اولڈ سٹی ایریا، کلفٹن، لالہ زار کالونی، ہوائی اڈہ، الفلاح سوسائٹی، ملیر، گلشن اقبال، گلستان جوہر، لیاری، کھارادر، گارڈن اور کئی دیگرعلاقوں کی بجلی غائب ہو گئی، جس کے باعث شہریوں کو شدید پریشانی کا سامنا کر پڑ رہا ہے۔
ذرائع کے مطابق 34 گرڈ سٹیشن اور کراچی بھر کے الیکٹرک کے 700 فیڈر کی وجہ سے خرابی کے کام کرنا چھوڑ دیا۔
کے الیکٹرک ترجمان نے بجلی کے بریک ڈاؤن کی تصدیق کرتے ہوئے کہا ہے کہ بن قاسم ٹاؤن پاور پلانٹس کے دو پاور پروجیکٹس فالٹ کی وجہ سے ٹرپ کر گئے۔
ترجمان کا کہناہے کہ مذکورہ پلانٹس پر کے الیکٹرک کی ٹیموں نے مرمت کا کام شروع کر دیا ہے اور ہماری کوشش ہوگی کہ جلد از جلد مرمت کے بعد شہر کی بجلی بحال کردی جائے۔
فی الوقت کے الیکٹرک کو واپڈا اور حبکو کی جانب سے بجلی فراہم کی جا رہی ہے۔
اطلاعات کے مطابق بجلی معطل ہونے سے کراچی ایئر پورٹ کا نظام درہم برہم ہوگیا،کمپیوٹر بند ہوگئے، سامان کو ترسیل کرنے والی بیلٹ بھی جام ہو گئی۔
No complete #BlackOut in the city. Reports of EHT Conductor breakage near Bin Qasim Power Plant. Teams patrolling the line @KElectricPk
— Usama Qureshi (@UsamaQureshy) July 7, 2015
It’s a 45-50KM @KElectricPk transmission line which is being patrolled & inshaAllah if all goes well restoration will be completed in 3-4hrs
— Usama Qureshi (@UsamaQureshy) July 7, 2015
ترجمان کے الیکٹرک اسامہ قریشی نےکہا ہے کہ ادارے کی ٹیموں کی جانب سے ٹرانسمیشن لائن کی مرمت کردی گئی ہے اور شہر کے مختلف علاقوں میں بجلی کی بحالی کا کام بھی شروع کر دیا گیا ہے، امید ہے کہ مزید دو سے تین گھنٹوں کے درمیان پورے شہر کو بجلی کی فراہمی کردی جائے گی۔
Transmission line cleared by @KElectricPk teams. Restoration in the city started and will be completely normalised in 2-3 hrs. #Karachi
— Usama Qureshi (@UsamaQureshy) July 7, 2015
