کراچی : درخشاں پولیس کے ہاتھوں منشیات سپلائی کے الزام میں ٹک ٹاکر کے اہم انکشافات سامنے آئے۔
تفصیلات کے مطابق کراچی میں درخشاں پولیس کے ہاتھوں منشیات سپلائی کے الزام میں ٹک ٹاکر کی گرفتاری کے معاملے کی تحقیقات جاری ہے۔
ٹک ٹاکربابرہ عرف بیبو سے پولیس کی ابتدائی تفتیش کی رپورٹ سامنے آگئی ، جس میں بتایا کہ ملزمہ نے انکشاف کیاکہ وہ پوش علاقوں میں پارٹیوں میں جاتی تھی۔
پولیس کا کہنا تھا کہ ملزمہ آئس،کوکین کا نشہ اورمنشیات کی سپلائی کا کام کرتی تھی، ملزمہ پہلے 2 مرتبہ چوری کے مقدمات میں بھی گرفتار ہوچکی ہے۔ پولیس
حکام نے بتایا کہ ملزمہ نےدوران تفتیش کچھ نام لیے ہیں، جن کی گرفتاری کی کوششیں جاری ہیں، ملزمہ نے منشیات سپلائی کرنے کے لئے سوشل میڈیا کا سہارا لیا۔
پولیس کے مطابق ملزمہ کے ساتھیوں کی تلاش جاری، جلد گرفتار کرلیا جائے گا۔
