کراچی: شہر میں جرائم پیشہ عناصر کے خلاف جاری کارروئیوں میں تین دہشت گرد مارے گئے جبکہ پانچ افغان باشندوں سمیت تیرہ افراد کو گرفتار کرلیا گیا۔
تفصیلات کے مطابق منگھوپیرکالونی کےعلاقےخیرآبادمیں محکمہ انسداد دہشتگردی نے کالعدم تنظیم کےدہشتگردوں کی موجودگی کی اطلاع پر کارروائی کی۔
کاروائی کے دوران ملزمان اورپولیس کےدرمیان شدید فائرنگ کے تبادلے میں تین دہشتگردوں کو زخمی حالت میں حراست میں لیا گیا تاہم اسپتال منتقلی کے دوران تینوں دہشتگرد ہلاک ہوگئے،ہلاک دہشتگردوں کاتعلق کالعدم تنظیم سےتھا۔
علاوہ ازیں بلدیہ ٹاؤن میں پولیس نےپانچ افغان باشندوں کوگرفتارکرلیا جبکہ دیگرکارروائیوں میں تین اسٹریٹ کرمنلزاورمنشیات فروش سمیت دس مشتبہ افرادکو گرفتار کرلیاجن کےقبضےسےاسلحہ،دستی بم اور مسروقہ گاڑیاں بھی برآمد کی گئیں۔
دوسری جانب کراچی کے ہی علاقے کھارادرمیں پولیس مقابلےکےدوران ڈاکوؤں کی جانب سے کی گئی فائرنگ کی زد میں آکرایک خاتون جاں بحق ہوگئیں۔
