کراچی : کورنگی میں کام کرنے والے چھ افراد کی پُراسرار موت کا مقدمہ سرکاری مدعیت میں درج کرلیا گیا ہے، مرنے والوں میں فیکٹری مالک بھی شامل ہے۔
گزشتہ روز کورنگی کے علاقے اللہ والا ٹاؤن میں غیر قانونی اچار کی فیکٹری میں چھ افراد کی لاشیں کیمیکل ٹینک سے ملی تھیں، مالک سمیت چھ افراد کی پُر اسرارموت کا مقدمہ سرکاری مدعیت میں کورنگی صنعتی ایریا تھانے میں درج کرلیا گیا۔
پولیس نے فیکٹری چوکیدار سمیت چارافراد کو حراست میں لے لیا ہے جبکہ ڈی آئی جی منیر شیخ نے واقعے کی تحقیقات کیلئے ایس ایس پی کورنگی ،ایس پی لانڈھی اور ایس پی انویسٹی گیشن کورنگی پر مشتمل کمیٹی قائم کردی ہے۔
- Advertisement -
یاد رہے گزشتہ روز ذرائع کے مطابق غیر قانونی فیکٹری کا مالک مہتاب زیرِ زمین کیمیکل ٹینک میں جاگرا، اسے بچانے کے لیے چھ مزدوروں نے بھی چھلانگ لگادی۔
