کراچی : گلشن کنیز کے قریب فائرنگ سے دو افراد جاں بحق ہوگئے جبکہ سپر ہائی وے پر مبینہ مقابلے میں کالعدم تنظیم کے دو کارندے مارے گئے۔
کراچی میں فائرنگ اور پرتشدد واقعات میں سات افراد جان سےگئے، سیکیورٹی اہلکاروں سے مقابلے میں کالعدم تنظیم کے دو کارندوں سمیت تین ملزمان ہلاک ہوگئے، سرجانی کنیز فاطمہ اپارٹمنٹس کے قریب سے سرمیں گولیاں لگیں دولاشیں ملیں، جن کی عمریں پچیس اور پینتالیس سال ہیں، پولیس نےلاشوں کو ضابطےکی کارروائی کیلئےاسپتال منتقل کردیا۔
ڈیفنس خیابان مجاہد میں گھر سے پی آئی اے کے ریٹائرڈ کیپٹن اکبر آفریدی کی لاش برآمد ہوئی، ابتدائی تفتیش کے مطابق خودکشی کی وجہ گھریلو معاملات ہیں۔ لانڈھی لیبر اسکوائر میں موٹرسائیکل سوار تین حملہ آوروں نےفائرنگ کرکے چارمحنت کش ہلاک کردیئے، زخمی اکمل کی مدعیت میں نامعلوم افراد کیخلاف مقدمہ درج ہوا۔
ادھرسپر ہائی وے کے قریب خفیہ اطلاع ملنے پر پولیس کی کارروائی کے دوران ملزمان نے فائرنگ کردی، جوابی فائرنگ سے کالعدم تنظیم کے دو ملزمان مارے گئے۔ ملزمان سےبھاری اسلحہ برآمد ہوا، لیاری دریا آباد میں رینجرز نے خفیہ اطلاع پر چھاپہ مارا، جہاں فائرنگ کے تبادلے میں ملزم نادر عرف ملا نادر مارا گیا، رینجرز کے مطابق ہلاک ملزم نو سے زائد ٹارگٹ کلنگ میں ملوث تھا۔
