ممبئی: بالی وڈ اداکارہ کرینہ کپور خان پر آج کل پنجابی زبان بولنے کی دھن سوار ہے، اور وہ پنجابی زبان سیکھنے کے لیے ایک پروفیسر سے رجوع کرلیا ہے۔
کرینہ کے والد پنجاب سے ہیں مگر دو خود اس زبان سے زیادہ واقف نہیں لیکن اس کو سیکھنے میں دلچسپی لے رہی ہیں، جس کے لیے کرینہ دہلی یونیورسٹی کے ایک پروفیسر سے مدد لے رہی ہیں۔
بھارتی میڈیا کے مطابق کرینہ پنجابی زبان پر اچھی گرفت چاہتی ہیں تاکہ وہ اپنی فلم میں کردار کو بہترین طریقے سے ادا کرسکیں۔
کرینہ آج کل بجرنگی بھائی جان کی فلم کی شوٹنگ میں مصروف ہیں، جس میں وہ سلمان کے ساتھ نظر آئیں گی، جس کے بعد وہ ابھشیک چوبے کی فلم کا حصہ بنیں گی۔
کرینہ کپور کو پرستاروں نے 2007 میں فلم ‘جب وی میٹ’ میں پنجابی لڑکی کے یادگار کردار میں بھی دیکھا تھا تاہم ہدایتکار ابھیشیک چوبے کی نئی فلم میں روانی سے پنجابی زبان بولنے کے لیے وہ ٹیوشن لینے والی ہیں۔
