کوئٹہ : نامعلوم مسلح افراد نے دکان پر فائرنگ کردی جس کے نتیجے میں دو افراد جاں بحق ایک زخمی ہوگیا۔
پولیس کے مطابق موٹر سائیکل پر سوار نامعلوم مسلح افراد نے میکانگی روڈ پر واقع دکان پر فائرنگ کی اور فرار ہوگئے فائرنگ کی زد میں آنے والا ایک شخص موقع پر دم توڑ گیا جبکہ دو زخمی ہوگئے۔
زخمیوں اور لاش کو سی ایم ایچ ہسپتال منتقل کردیا گیا جہاں دوسرا زخمی بھی زخموں کی تاب نہ لاتے ہوئے چل بسا ، ٹارگٹ کلنگ کا نشانہ بننے والے افراد کا تعلق ہزارہ برادری سے بتایا جاتا ہے۔
واقعہ کے بعد شہر میں خوف و ہراس پھیل گیااور لوگوں نے اپنی دکانیں بندکرکے گھروں کو لوٹنا شروع کردیا،خوف کے عالم میں شہر سے نکلنے کے باعث مختلف سڑکوں پر ٹریفک بھی جام رہی ، چند ہی لمحوں میں بازار سنسان ہو گیا۔
