کولمبو : کولمبو ٹیسٹ میں سری لنکن بیٹسمینوں کی پر اعتماد بیٹنگ جاری ہے، میزبان ٹیم نے کھانے کے وقفے تک بغیر کسی نقصان کے انہتر رنز بنالئے۔
کولمبو میں شروع ہونے والے سیریز کے دوسرے اور آخری میچ میں کا ٹاس سری لنکا نے جیت کر پہلے بیٹنگ کرنے کا فیصلہ کیا۔ میزبان ٹیم میں دو تبدیلیاں کی گئیں انجرڈ شامیندہ ایرنگا کی جگہ چناکا ولیگدرا جبکہ ویتھاناگے کی جگہ لہیرو تھیرمانے کو ٹیم میں شامل کیا گیا ہے۔
قومی ٹیم نے ناکامی کے باوجود دونوں اوپنرز کو برقرار رکھا جبکہ فاسٹ بولر محمد طلحہ کی جگہ وہاب ریاض کو موقع دیا گیا ہے۔
- Advertisement -
سری لنکن بیٹسمینوں نے پر اعتماد بیٹنگ کرتے ہوئے وکٹ کے چاروں اطراف شاٹس لگائے، میزبان ٹیم نے کھانے کے وقفے تک بغیر کسی نقصان کے انہتر رنزبنالئے تھے۔ میزبان ٹیم کے تجربہ کار بیٹسمین مہیلا جے وردھنے کے کیرئیر کا یہ آخری ٹیسٹ ہے۔
