اینٹورپ : پاکستان ہاکی ٹیم کے کپتان محمد عمران نے اولمپک کوالیفائنگ راؤنڈ میں آٹھویں پوزیشن کے بعد کپتانی چھوڑنے سے انکار کر دیا۔
اے آر وائی نیوز سے ٹیلی فون پر گفتگو کرتے ہوئے محمد عمران کا کہنا تھا کہ انہیں شکست کے بعد قربانی کا بکرا بنانے کی کوشش کی جا رہی ہے۔
کپتانی سے دستبردار ہونے کی خبریں بے بنیاد ہیں۔ ان کا کہنا تھا کہ اگر ریٹائرمنٹ کا فیصلہ کیا تو میڈیا کے سامنے اعلان کرتے ہوئے اصل وجوہات سے بھی آگاہ کروں گا۔
پاکستان کی وجہ سے پہچان بنی ہے اور ملک کیلئے کھیلنا اعزاز کی بات ہے۔
