کراچی : نیپرا نے کراچی کے صارفین پر مہنگی بجلی کے کوڑے برسا دئے ،اب ہر گھرکو ہر ماہ دو سے چار ہزار روپےکا اضافی جھٹکا لگے گا۔
ابھی کے الیکٹرک کے زخم ہی نہ بھرے تھےکہ نیپرا نےنیاچیرالگا دیا۔ کے الیکٹرک کے گھریلو صارفین کیلئے بجلی اسی فیصد مہنگی کر دی ۔
اب دو سو یونٹ بجلی جلانے والے کو بجلی چا ر روپے اٹھائیس پیسے مہنگی ملے گی جبکہ تین سو یونٹ استعمال کرنے پر دو روپے نوے پیسے فی یونٹ کا کوڑا پڑے گا ، اور اگر بجلی اس سے بھی زیادہ استعمال کی تو کے الیکٹرک چار روپے یونٹ کا جھٹکا ہی لگا دے گی ۔
کےالیکٹرک کےنرخوں میں اضافہ فوری طور پر ہو گا کراچی کے عوام پہلے ہی کے الیکٹرک کی نااہلی کا بدترین شکار ہیں, بجلی آتی نہیں، میٹر تیز چلتےہیں، اوپرسے آپریشن برق کی برق پاشیاں بھی جاری ہیں۔
عوام کسے گواہ کریں کس سے منصفی چاہیں، وزیر بجلی کہتے ہیں بجلی نہیں دے سکتے ، وزیر اعظم کہتےہیں لوڈ شیڈنگ برداشت کرو، نہ نندی پور سے بجلی ملتی ہے نہ کالا باغ ڈیم بنتا ہے ، عوام جائیں تو کہاں جائیں۔
