کراچی : سورج پھرآگ برسانےلگا، پارہ اکتالیس ڈگری تک پہنچ گیا، گرمی نے میٹر گھمایا تو منچلوں کا سوشل میڈیا پر بھرپور ردعمل آیا۔
شہرقائد کےمختلف علاقوں میں برسنےبوندا باندی بھی گرمی کازور نہ توڑسکی، سورج کی کرنیں پھرآگ برسانےلگیں۔
شدیدگرمی میں ٹھنڈک کےلیےلوگوں نےطرح طرح کےطریقے اختیار کرلیے۔مندرجہ بالا تصاویر سوشل میڈیا سے حاصل کی گئیں ہیں۔
ایک صاحب تو برف کی سل سےلپٹ کرسو گئے۔
شدیدگرمی میں کراچی والوں کے لیے بجلی کی غیراعلانیہ بندش عذاب بن گئی۔
گرمی نے میٹر گھمایا توسٹ پٹائے منچلوں کا سوشل میڈیا پر بھرپور ردعمل آیا کاش سورج میاں کی بھی بیوی ہوتی، جو اس پر کچھ تو کنٹرول رکھتی۔
تو کوئی کہتا رہا گرمی نے ساری حد وں کو پار کردیا، کسی نے کہا اتراتے سورج کی ظالم ادائیں۔
تو کسی مسخرے نےٹوئٹ کیا کہ آج بہت سردی ہے وہ تو گرمی کی وجہ سے پتہ نہیں چل رہا ایک منچلے نے لکھا کہ یہاں چاندنہیں دکھا پر دن میں تارے نظر آگئے۔
گرمی نے برا حال کیا تو ایک آئٹم یہ بھی آیا کہ اتنی گرمی ہے سوچ رہا ہوں اے سی سے شادی کرلو ۔
طویل ترین غیراعلانیہ لوڈشیڈنگ اورقہربرستی گرمی سےتنگ شہریوں نےکچھ دیرکی بوندا باندی سے لطف اٹھایا اورشہریوں کی بڑی تعداد سئی ویو پہنچ گئی۔
محکمہ موسمیات کےمطابق شہرمیں مطلع جزوی ابرآلودہے،آج کراچی میں درجہ حرارت اکتالیس ڈگری سینٹی گریڈریکارڈ کیا گیا۔
