لاہور: گلو بٹ کی سزا کیخلاف ہائیکورٹ میں دائر اپیل کے ساتھ وکالت نامہ منسلک کر دیا گیا۔
لاہور ہائیکورٹ آفس نے گلو بٹ کے دستخط والا وکالت نامہ نہ لگانے کی وجہ سے انسداد دہشتگردی عدالت کے فیصلے کیخلاف اپیل پر اعتراض عائد کیا تھا، گلو بٹ کو انسداد دہشت گردی عدالت نے سانحہ ماڈل ٹاؤن کیس میں 11 سال 3 ماہ قید کی سزا سنائی تھی۔ گلو بٹ نے اپیل میں مؤقف اختیار کیا ہے کہ انسداد دہشتگردی عدالت کی جانب سے دی گئی سزا انصاف کے منافی ہے، سانحہ ماڈل ٹاؤن سے اس کا کوئی تعلق ہے نہ اس نے کسی کو زخمی کیا، استدعا ہے کہ انسداد دہشتگردی عدالت کا فیصلہ کالعدم قرار دیا جائے۔
