گوجرانوالہ : پولیس نے شراب پینے کے الزام میں گرفتار محنت کش کو بد ترین تشدد کا نشانہ بنا ڈالا، جس سے اس کی ٹانگ ٹوٹ گئی۔
چھچھر والی کے رہائشی محنت کش پنتیس سالہ اصغر کو پولیس چوکی جنڈیالہ باغوالہ نے گذشتہ روز شراب نوشی کے الزام میں گرفتار کرکے تھانے منتقل کر دیا تھا ، جہاں دو بچوں کے باپ محنت کش اصغر کو پولیس ملازمین نے بد ترین تشدد کا نشانہ بنایا، جس سے اصغر کی ٹانگ ٹوٹ گئی۔
پولیس نے اصغر کو تشویشناک حالت میں طبی امداد کے لیے ڈسٹرکٹ ہیڈ کوارٹر اسپتال منتقل کیا، جہاں ڈاکٹرز نے اصغر پر تشدد کی تصدیق کر دی ہے۔
