جعفرآباد: گیس لائن تخریب کاری کا شکار ہونے کے باعث گیس کی قلت ہوگئی، جس کے باعث کراچی میں آج شام چار بجے کھلنےوالے سی این جی اسٹیشن اب کل صبح آٹھ بجےکھلیں گے۔
رات گئےجعفرآباد کےعلاقےمیں سوئی سدرن کی اٹھارہ انچ قطر کی گیس لائن کو دھماکے سے اڑا دیا گیا، گیس لائن تباہ ہونے سے سندھ اور بلوچستان کےمختلف علاقوں کو گیس کی فراہمی متاثر ہوکر رہ گئی۔
سوئی سدرن گیس کمپنی کے مطابق کراچی کوایک سو دس ملین کیوبک فٹ گیس کی کمی کا سامنا ہے، جس کے باعث کراچی سمیت سندھ بھر میں سی این جی اسٹیشنز کھولے جانے کے وقت میں سولہ گھنٹے کا اضافہ کردیا گیا، فلنگ اسٹیشنز اب معمول کے مطابق اتوار بیس جولائی کی صبح آٹھ بجے کھولے جائیں گے۔
