اسلام آباد: وفاقی حکومت اسلام آباد ہائی کورٹ کو زبان دے کر پھر گئی پیمرا کے چیئرمین کی اسامی کیلئے اشتہار دے ڈالا۔
حکومت کے بے باکی اتنی بڑھ گئی ہے کہ عدالت کو یقین دہانی کرا کر بھی وہی کرتی ہے جو کرنا چاہتی ہے۔ پہلے چودھری عبد الرشید کیس میں یقین دہانی کرائی کہ مقدمے کا فیصلہ آنے تک پیمرا کا نیا چیئرمین نہیں لگایا جائے گا پھر چیئرمین پیمرا کی اسامی کے لئے اشتہار دے ڈالا۔
پیمرا کے رکن میاں شمس کا کہنا ہے کہ حکومت کاچیئرمین پیمرا کیلئے اشتہار دیناغیرقانونی ہے، ۔یہ سب کچھ پرویز راٹھور کے لئے کیاجارہا ہے۔
پیمرا کیس کے مدعی عبد الرشید چودھری کے وکیل ادریس اشرف نے رد عمل میں کہا کہ حکومت کا فیصلہ توہین عدالت کے زمرے میں آتا ہے۔
ادریس اشرف نے اس امید کا اظہار کیا کہ امید ہے عدالت کی جانب سے فیصلے پرعمل کرایاجائے گا۔
