کراچی: متحدہ قائد الطاف حسین کا کہنا ہے کہ ہمیشہ معاف کرنے کا درس دیا، ایم کیو ایم نے کبھی کسی پولیس اہلکار کو قتل نہیں کیا،آصف زرداری نے ہمیشہ دھوکہ دیا، پاکستان کھپے کا نعرہ بھی مال بنانے کے لیے لگایا گیا۔
نائن زیرو پرخدمت خلق فائونڈیشن کے سالانہ امدادی پروگرام میں زکوت ، فطرے اور چندے کے عطیات سے غریبوں ، ناداروں ، یتیموں اور مساکین میں امدادی سامان تقسیم کیا گیا۔
تقریب سے خطاب میں الطاف حسین نے آصف زرداری پر شدید تنقید کرتے ہوئے کہا کہ زرداری نے انھیں ہمیشہ دھوکہ دیا۔۔پاکستان کھپے کا نعرہ پاکستان بچھانے کے لیے نہیں مال بنانے کے لیے تھا۔
الطاف حسین کا کہنا تھا کہ زکوٰة اور فطرے کی رقم جمع کرنے پر پابندی کے باوجود امدادی پروگرام ہورہا ہے، سیاست میں خدمت کا سفر خدمت خلق اور ایم کیو ایم یونہی رواں رکھے گی ۔
متحدہ قائد نے کہا کہ انھوں نے کھبی کسی کو قتل کرنے کا نہیں ہمیشہ معاف کرنے کا درس دیاہے۔تقریب کے اختتام پر مستحقین نے امداد ملنے پر الطاف حسین کا شکریہ بھی ادا کیا ۔
