کراچی: پاکستان میں ضروریاتِ زندگی کی اشیاء بنانے والی کمپنی یونی لیور نے ٹیلنٹ ہنٹ کا انعقاد کیا جس کا مقصد 2014 کےگرایجویٹس کو یونی لیور کے ساتھ کیرئرشروع کرنے کا موقع فراہم کرنا تھا۔
مختلف جامعات سے تعلق رکھنے والے طلبہ وطالبات نے ’یونی لیور ٹیلنٹ ہنٹ 2014‘میں شرکت کی اور جیت کا سہرا انسٹی ٹیوٹ آف بزنس ایڈمنسٹریشن کی ٹیم کے سررہا۔
یونی لیور نے 11 جامعات سے تعلق رکھنے والی 13 ٹیموں کو منتخب کیا تھا اور چارہفتوں تک انہیں تربیت فراہم کی اور ان کی صلاحیتوں کو جاننے کے لئے فنڈز بھی فراہم کیے۔
تمام 13 ٹیموں کی کارکردگی کا جائزہ لینے کے بعد چھ ٹیموں کو آواری ٹاور میں ہونے والے گرینڈ فائنل کے لئے منتخب کیا گیا۔
فائنل میں رسائی حاصل کرنے والی ٹیموں نے بہترین کارکردگی کا مظاہرہ کیا اوران کی کارکردگی کا جائزہ لینے کے بعدججز نے آئی بی اے کی ٹیم کو فاتح قراردیا۔
فاتح ٹیم کو’یونی لیورلیڈرز پروگرام اسسمنٹ سینٹر‘تک براہ راست رسائی کا موقع ملے گا جو کہ ان کی باقاعدہ ملازمت کا پہلا قدم ہے۔
یونی لیور کا دنیا بھرمیں 100 سے زائد ممالک میں نیٹ ورک ہے اور پاکستان میں 1948 سے یہ ادارہ مصروفِ عمل ہے۔
زیرنظرتصاویر میں گرینڈ فائنل کی جھلکیاں دیکھی جاسکتی ہیں۔
