اٹک : گھر میں صفائی کیلئے رکھے گئے تیزاب کو شربت سمجھ کر پینے سے دو بچے جاں بحق ہوگئے۔ لاشیں گھر پہنچنے پر کہرام مچ گیا۔
تفصیلات کے مطابق اٹک کے نواحی علاقے ڈہوک گاما میں2کمسن بچے تیزاب پینے سے جان کی بازی ہار گئے، دونوں کمسن بھائیوں نے باتھ روم کی صفائی کا تیزاب شربت سمجھ کر پی لیا۔
اپنے بچوں کو تڑپتا دیکھ کر والدہ پر غشی کے دورے پڑگئے، سیف اللہ اور سمیع اللہ کی لاشیں ڈی ایچ کیو اسپتال منتقل کردی گئیں، لاشیں گھر پہنچیں تو کہرام مچ گیا۔
واضح رہے کہ رواں سال اکتوبر میں لاہور کے گریٹر اقبال پارک کے ایک ریسٹورنٹ میں مبینہ طور پر تیزاب پینے سے 2 بچے شدید زخمی ہوگئے تھے۔
پولیس کے مطابق تیزاب ہوٹل میں منرل واٹر کی بوتل میں موجود تھا، کچھ بوتلیں ریسٹورنٹ میں الگ سے رکھی ملی تھیں۔
