کراچی : پاکستان تحریک انصاف کراچی کے رہنما امجد آفریدی کی تھانے میں گرفتاری کی فوٹیج وائرل ہوگئی۔
اس حوالے پولیس نے دعویٰ کیا ہے کہ امجد آفریدی نے پولنگ عملے کو ڈرایا دھمکایا، امجد آفریدی پر بیلٹ پیپر بک رکھنے کا بھی الزام ہے۔
پولیس کے مطابق امجد آفریدی سرکاری کام میں مداخلت کے دوران اسلحہ بھی لہرا رہے تھے، ملزم کے قبضے سے اسلحہ اور ووٹنگ بک بھی برآمد ہوئی ہے۔
اس کے علاوہ شاہ فیصل کالونی میں پولنگ عملے سے بیلٹ پیپر چھیننے کے الزام میں ایک اور پی ٹی آئی ایم پی اے عدیل احمد کو گرفتار کیا گیا ہے، ملزم عدیل احمد کو گرفتاری کے فوری بعد شاہ فیصل کالونی تھانے منتقل کردیا گیا۔
