ویتنام : عمارت کی بارہویں منزل سے گرنے والی 2 سالہ بچی کو ایک شخص نے حاضر دماغی سے کام لیتے ہوئے بچا لیا، بچی کھیلتے کھیلتے بالکونی سے لٹک گئی تھی۔
مقامی میڈیا کے مطابق یہ واقعہ ویتنام کے شہر ہنوئی میں پیش آیا جس کی دل دہلا دینے والی ویڈیو سوشل میڈیا پر وائرل ہورہی ہے اور لوگ بچی کی جان بچانے والے شخص کو ہیرو کے نام سے پکاررہے ہیں۔
غیر ملکی خبر رساں ادارے کے مطابق اکتیس سالہ ڈیلیوری مین دو سالہ بچی کو بچانے کے بعد حقیقی زندگی میں سپر ہیرو بن گیا ہے جب وہ ویتنام کے شہر ہنوئی میں 16 منزلہ عمارت کی 12 ویں منزل سے گرنے والی بچی کو گود میں لے کر بچالیتا ہے۔
😱¡HEROICA ATRAPADA!👏
Un repartidor le salvó la vida a una niña de 3 años que cayó del piso 12 de un edificio en Vietnam.
La nena sufrió fracturas en la pierna y en los brazos, pero está viva gracias a la heroica acción de Nguyen Ngoc Manh❤️, quien sufrió un esguince.#VIRAL pic.twitter.com/eI03quT0IM
— Unicanal (@Unicanal) March 1, 2021
ڈرائیورجس کی شناخت 31 سالہ نگیوین نگوک مانہ کے نام سے ہوئی ہے ہنوئی میں ایک پیکیج کی فراہمی کے لئے اپنی گاڑی میں بیٹھا ہوا تھا، اچانک اس نے دیکھا کہ چھوٹی سی بچی ایک ہاتھ سے12ویں منزل کی بالکونی سے لٹک رہی ہے۔
کوئی وقت ضائع کیے بغیر ڈرائیور اپنی کار نکل کر سے بھاگا اور تیزی سے عمارت کے نیچے کی منزل پر چڑھ گیا تاکہ بچی اگر گرے تو اسے فوری پکڑ لے۔ اس دوران وہ خود بھی لڑکھڑا گیا لیکن جلد ہی اس نے خود پر بھی قابو پالیا۔
ویڈیو میں دیکھا جاسکتا ہے کہ جب وہ بچی اوپر سے گری تو سیدھا اس کی گود میں آگر گری جسے فوری طور پر ڈلیوری ڈرائیور نے پکڑ لیا تاہم وہ بری طرح زخمی ہوگئی اور فوری طور پر بچی کو اسپتال منتقل کیا گیا جہاں اسے طبی امداد فراہم کی جارہی ہے۔
