کانگو : افریقہ میں سفاک اغوا کاروں نے تاوان کی لالچ میں انسانوں کے ساتھ ساتھ بے زبان بندروں کو بھی اغوا کرنا شروع کردیا، بن مانس کے 3 مغوی بچوں کی ویڈیو بھیج دی۔
افریقہ میں جرم کی نوعیت کا ایک انوکھا واقعہ پیش آیا ہے جس میں نامعلوم اغوا کاروں نے بڑی رقم کے حصول کیلئے بن مانس کے تین بچے اغوا کرلیے۔
غیرملکی خبر رساں ادارے کی رپورٹ کے مطابق افریقی ملک جمہوریہ کانگو میں اغوا کاروں نے بن مانس کے 3 بچوں کو اغوا کرکے بھاری تاوان مانگ لیا اور ان چمپینزیزکی ہاتھ پاؤں بندھی ویڈیو بھی بھیجی۔
خبر کے مطابق ایک مقامی بحالی سینٹر سے بن مانس کے 3 بچے غائب ہوگئے، پہلے تو عملے کا خیال تھا کہ شاید شرارتی بن مانس پنجرے سے نکل کر بھاگنے میں کامیاب ہوگئے تاہم حیران کن طور انہیں اغوا کاروں کی فون کال آئی۔
🌿KIDNAPPING CHIMP/JOUR 12 -” #Menaces sur la vie de ma femme.Enlèvement planifié de mes enfants et demande de #rançon conséquente… Les #ravisseurs des #chimpanzés n’ont pas de limites.Voici une vidéo reçue des 3 bébés pour vous montrer notre #cauchemar (Franck, Fondateur JACK) pic.twitter.com/JlAlI93DHn
— J.A.C.K. – Jeunes Animaux Confisqués au Katanga (@JackChimps) September 20, 2022
اغوا کاروں نے بتایا کہ تینوں بن مانس ان کی قید میں ہیں اور بحالی مرکز ان کی رہائی کے لیے بھاری تاوان ادا کرے، عملے نے اسے مذاق سمجھتے ہوئے بن مانسوں کے ان کی قید میں ہونے کا ثبوت مانگا۔
جس پر اغوا کاروں نے بحالی مرکز کے عملے کو ایک ویڈیو بھیجی جس میں دیکھا جاسکتا ہے کہ بن مانسوں کے ہاتھ پاؤں بندھے ہوئے ہیں۔ تاوان کے لیے بن مانسوں کے اغوا کی یہ اپنی نوعیت کی پہلی واردات ہے۔
رپورٹ کے مطابق جس بحالی سینٹر سے یہ بن مانس اغوا ہوئے وہاں اس نسل کے مزید 40 جانور موجود ہیں جب کہ معدومی کے شکار بندر کی نسل بھی ہے۔ اغوا ہونے والے بن مانسوں کی عمریں 2 سے 5 سال کے درمیان ہیں۔