نئی دہلی: بھارت میں کرونا وائرس نے ایک بار پھر سر اٹھالیا ہے، نئی دہلی کے وزیراعلیٰ سمیت کئی سیاسی رہنما کرونا وائرس کا شکار ہوگئے ہیں۔
بھارتی میڈیا رپورٹ کے دہلی میں کرونا کے نئے ویرئنٹ ‘اومیکرون’ کا پھیلاؤ تیز ہوگیا ہے، وزیراعلیٰ نئی دہلی اروند کیجریوال بھی عالمی وبا کا شکار ہوگئے ہیں۔
اروند کیجریوال نے آج صبح سماجی رابطے کی ویب سائٹ ٹوئٹر کے ذریعے بتایا کہ میری کرونا رپورٹ مثبت آئی ہے، وائرس کی ہلکی علامات کے باعث میں نے خود کو گھر میں آئسولیٹ کرلیا ہے، اپنےٹوئٹر پیغام میں نئی دہلی کے وزیراعلیٰ نے کہا کہ جو شخص میرے رابطے میں رہے ان سے گزارش ہے کہ فوری طور پر اپنا کرونا ٹیسٹ کرالیں۔
I have tested positive for Covid. Mild symptoms. Have isolated myself at home. Those who came in touch wid me in last few days, kindly isolate urself and get urself tested
— Arvind Kejriwal (@ArvindKejriwal) January 4, 2022
دوسری جانب بی جے پی کے ایم پی منوج تیواری اور یونین منسٹر ناتھ پانڈے میں بھی کرونا میں مبتلا ہوچکے ہیں، ادھر کرونا کے بڑھتے وار کے باعث بھارتی پنجاب میں رات کےوقت کرفیو لگانےکا اعلان کردیا گیا ہے جبکہ ممبئی میں اسکولز31جنوری تک کیلئے بند کردئیےگئے ہیں۔
بھارتی میڈیا رپورٹ کے مطابق بھارت میں 24گھنٹےمیں کوروناکے 34ہزارکیسز رپورٹ ہوئے ہیں، بھارتی دارالحکومت میں گذشتہ 24 گھنٹوں کے دوران کرونا کے 5 ہزار کے قریب مثبت کیسز رپورٹ ہوئے جو کہ 7 بعد سب سے زیادہ ہیں۔
