The news is by your side.

Advertisement

فاسٹ بولر محمد حسنین کو بڑی خوشخبری مل گئی

لاہور: پاکستان کرکٹ کیلئے اچھی خبر یہ ہے کہ فاسٹ بولر محمد حسنین کو بولنگ کرانے کی اجازت دے دی گئی ہے۔

تفصیلات کے مطابق آسٹریلیا کے ماہرین کی جانچ کے بعد فاسٹ بولر محمد حسنین کا بولنگ ایکشن کلئیرقرار دے دیا گیا ہے، حسنین کا بولنگ ایکشن رواں برس کے آغاز میں بگ بیش لیگ میں رپورٹ ہوا تھا۔

جس کے بعد فاسٹ بولر کا ٹیسٹ لاہور میں آئی سی سی کی منظور شدہ لیب میں ہوا اور اُن کے بولنگ ایکشن کوغیرقانونی قرار دیا گیا۔

محمد حسنین نے آئی سی سی سے منظور شدہ لاہور کے ٹیسٹنگ سینٹر میں اکیس مئی کو دوبارہ باؤلنگ ایکشن ٹیسٹ دیا۔

کرکٹ آسٹریلیا کے ماہرین نے اس رپورٹ کا بھی جائزہ لینے کے بعد اس کی تصدیق کی اور انہیں دوبارہ انٹرنیشنل اور ڈومیسٹک کرکٹ میں بولنگ کی اجازت مل گئی۔

پاکستان کی طرف سے 8 ون ڈے انٹرنیشنل اور 18 ٹی 20 انٹرنیشنل میچوں میں مجموعی طور پر 29 وکٹیں حاصل کرنے والے محمد حسنین پاکستان سپرلیگ (پی ایس ایل) کےعلاوہ بگ بیش، کیریبین پریمیئر لیگ اور لنکن پریمئیر لیگ میں بھی حصہ لے چکے ہیں۔

Comments

یہ بھی پڑھیں