لیہ: رحمان آباد کے علاقہ رحمان آباد کے ہوٹل میں مضرِ صحت کھانا کھانے سے 1 شخص ہلاک جب کہ 2 افراد زخمی ہو گئے۔

تفصیلات کے مطابق لیہ کے علاقے رحمان آباد کے ایک ہوٹل پر تین دوست کھانا کھانے رکے،مضرِ صھت کھانا کھانے کے بعد تینوں کی طبعیت بگڑ گئی،جس پر انہیں فوری طور پر قریبی ہسپتال پہنچایا گیا،جہاں دورانِ علاج 1 شخص جاں بحق ہو گیا،جب کہ دیگر 2 افراد کی حالت تشویشناک بتائی جاتی ہے۔

یاد رہے اس سے قبل لیہ میں زہریلی مٹھائی کھانے سے بھی کئی اموات ہوئی تھیں۔پڑھیے

لیہ میں زہریلی مٹھائی کھانے سے 22 افراد جاں بحق

ذرائع کے مطابق ڈسٹرکٹ ہیلتھ کوارٹر ہسپتال میں لائے گئے تینوں افراد کی حالت غیر معیاری کھانا کھانے سے خراب ہوئی،جہاں طبی امدا دی جارہی ہے،تاہم ایک شخص جانبر نہیں ہوسکا۔

پولیس نے فوری کاروائی کرتے ہوئے ہوٹل کو بند کروا دیا اورمقدمہ درج کر کے ہوٹل کے مالک کی تلاش میں چھاپے مارے جارہے ہیں۔