ڈکیتوں کی شامت آگئی، ایک ہی روز میں کراچی پولیس کی بڑی کارروائی

کراچی: شہر قائد میں پولیس نے اسٹریٹ کرائم اور ڈکیتی میں ملوث افرادکے خلاف کارروائی کی ہے، کارروائی کے دوران پولیس نے کو اہم کامیابی ملی ہے۔

پولیس ذرائع کے مطابق ضلع ملیر میں ڈکیتی کی وارداتوں میں ملوث دس ملزمان کو گرفتار کرلیا گیا ہے، گرفتار ملزمان میں پولیس کو انتہائی مطلوب اللہ بخش عرف بخشو اور جاوید عرف راول گینگ شامل ہے۔

پولیس ذرائع کا کہنا ہے کہ گرفتار ملزمان شہر میں چالیس سے سے زائد ڈکیتی کی وارداتوں میں ملوث ہیں، گرفتار ملزمان سے 36 اسمارٹ فونز، 50 ہزار ،اےٹی ایم کارڈز،8 شناختی کارڈبرآمد کئے گئے ہیں۔

اس کے علاوہ گرفتار ملزمان سے پستول، رائفل، رپیٹراور 3موٹر سائیکلیں برآمد کیں گئیں، ملزمان کے خلاف مقدمہ درج کرتے ہوئے کارروائی کا آغاز کردیا گیا ہے۔

Comments