اسلام آباد: وزیراعظم کے 10 بلین ٹری سونامی منصوبے کو "اقوام متحدہ ماحولیاتی تبدیلی کانفرنس”میں پیش کیا جائے گا، کانفرنس میں وزیر اعظم کےمعاون خصوصی ملک امین اسلم پاکستان کی نمائندگی کریں گے۔
تفصیلات کے مطابق وزیراعظم کے 10 بلین ٹری سونامی منصوبے کو شاندار کامیابی مل گئی ، 10بلین ٹری سونامی منصوبہ "اقوام متحدہ ماحولیاتی تبدیلی کانفرنس”میں پیش ہوگا۔
دو روزہ’’یونائیٹڈ نیشن کلائمٹ چینج کانفرنس یوکے‘‘کل لندن میں شروع ہوگی ، کانفرنس میں حکومت برطانیہ نے دنیا بھر کے 200ممالک میں سے 50ممالک کو بلایا ہے۔
برطانوی حکومت نے”یواین کلائمٹ چینج کانفرنس”میں پاکستان کو مدعو کرلیا ، برطانیہ نے پاکستانی وزیرکلائمنٹ چینج کو بذات خود شرکت کی درخواست کی ہے ، وزیر اعظم کےمعاون خصوصی ملک امین اسلم پاکستان کی نمائندگی کریں گے۔
Thank you @aminattock @ClimateChangePK for attending & showcasing 🇵🇰 leadership on climate change https://t.co/0NO5wgCumt
— Christian Turner (@CTurnerFCDO) July 20, 2021
اس حوالے سے برطانیہ میں پاکستانی سفیر نے گزشتہ روزوزیراعظم کے نام خط لکھ کر آگاہ کیا تھا ، ملک امین اسلم عالمی یواین کلائمٹ چینج کانفرنس میں شرکت کیلئے لندن روانہ ہوگئے ہیں۔
کانفرنس میں پاکستان کے 10بلین ٹری سونامی منصوبے کومتعارف کرایا جائے گا اور ترقی پزیر ممالک کو 10بلین ٹری سونامی کے بارے میں بتایا جائے گا جبکہ منصوبے کوکامیابی کی مثال بناکر پیش کیا جائے گا۔
برطانوی وزیر اعظم بھی عالمی کانفرنس میں شرکت اور خطاب کریں گے ، اقوام متحدہ کی ماحولیاتی تبدیلی کانفرنس2021میں برطانیہ کومیزبانی ملی ہے۔
